ၶၢဝ်ႇမိူင်းတႆး

ၶႅၼ်ႇသႃႇရေႃးၵႃႇ လီၵူဝ်ၼႃႇ ႁုၵ်ႉတိုတ်ႉဢဝ် ဢႃႈသၢၵ်ႈ “ပႅင်း” လပ်းတႃ လိုမ်းမိူင်းၵႂႃႇ
Details Created on Monday, 20 October 2014 22:01 Written by ယိင်းလွႆတွၼ်း

ပႃႈပႅင်း ၵေႃႉပဵၼ်မေးၼၢင်း ၽူႈႁွင်ႉၵႂၢမ်းပူၵ်းတိုၼ်ႇၸိုဝ်ႈလင် ၸၢႆးမူး မိူင်းပၼ်ႇ ၼိၸႃႉၶၼ်ႇထႃႇပျွင်း ယၢမ်းလဵဝ် ၶၢပ်ႈတူဝ်ဝႆယူႇတီႈၵျွင်း ဝတ်ၵူႇတဝ်ႈ။

မိူဝ်ႈဝၼ်းထီႉ 20/10/2014 ၼၼ်ႉ ပႃႈပႅင်း ၵေႃႉပဵၼ်မေးၼၢင်း ၸၢႆးမူး ဢၼ်ယူတ်းယႃတူဝ် ယူႇတီႈႁူင်းယႃပႃႇ ငႄႉ  ၵဵင်းမႆႇၸိုင်ႈထႆးၼၼ်ႉ လႆႈသဵင်ႈၵၢမ်ႇသုတ်းမုၼ် လပ်းတႃလို်မ်းမိူင်းၵႂႃႇပႅတ်ႈလုၵ်ႈလၢင်းတၢင်းႁိူၼ်း ၶၢဝ်း ယၢမ်း 1 မူင်းၵၢင်ၼႂ် ဝၼ်းၸၼ် ၼႂ်းဢႃႇယူႉ 52 ပီ ယွၼ်ႉတၢင်းပဵၼ်ၶႅၼ်ႇသႃႇသေ ယၢမ်းလဵဝ်ၶၢပ်ႈတူဝ် ပႃႈပႅင်း လႆႈဝႆႉယူႇတီႈ ဝတ်ႉ ၵူႇတဝ်ႈ ဢိူင်ႇသီးၽုမ်း ၸေႈဝဵင်းမိူင်း ၸေႈတွၼ်ႈၵဵင်းမႂ်ႇ ၸိုင်ႈထႆး။



ပႃႈပႅင်းပဵၼ်တၢင်းပဵၼ် ၶႅၼ်ႇသႃႇ တီႈပွတ်ႇ မိူဝ်ႈပူၼ်ႉမႃးလိူၼ် သႅပ်ႇထိမ်ႇပႃႇၼၼ်ႉ ယွၼ်ႉသၢႆငၢႆတၢင်းပဵၼ်ႁၢဝ်ႈ ႁႅင်းလိူဝ်မႃးၼႃႇလႄႈ ပႃႈပႅင်းလႆႈထုၵ်ႇသူင်ႇတူဝ်ၶဝ်ႈယူတ်းယႃ ဝႆႉတီႁူင်းယႃ ပႃႇငႄႉ မိူဝ်ႈဝၼ်းထီႉ 29/ 9/ 2014 သေထိုင်မႃး ဝၼ်းထီႉ 20/ 10 / 2014 ၼၼ်ႉလႆႈသုတ်းမုၼ်သဵင်ႈၵၢမ်ႇၵႂႃႇပႅတ်ႈ။ ၵေႃႉပဵၼ်လုၵ်ႈလၢင်းတၢင်းလင် ဢၼ်ပဵၼ်သၢၵ်ႈသေႇတၢင်းႁၵ်ႉ ၶွင်ၼၢင်းပႅင်းလႄႈ ၸၢႆးမူး 3 ၵေႃႉပီႈၼွင်ႉ ၼၢင်းၸၢမ်ၶမ်း၊ ၸၢႆးၸိူင်းမႂ်ႇ လႄႈ ၼၢင်းသႅင်ႁိူၼ်း ၸင်ႇလႆႈၶၢႆႉၶၢပ်ႈတူဝ် မႄႈၸဝ်ႈၵေးၸူး ဝႆႉတီႈဝတ်ႉၵူႇတဝ်ႈ တွၼ်ႈတႃႇလူႇတၢၼ်းယၢတ်ႇၼမ်ႉ ပၼ်သေ တေသူင်ႇၶၢပ်ႈတူဝ် ပႃႈပႅင်း ၶဝ်ႈပႃႇႁဵဝ်ႈသၢင်းၶႅင်း ၼႂ်းဝၼ်းထီႉ 25/ 10/ 2014 ၼႆလႄႈ ၸိူဝ်းပဵၼ်လုၵ်ႈ လၢၼ် ၸင်ႇၽိတ်ႈမွၵ်ႇဢဝ်ပီႈၼွင်ႉတႆး ၶဝ်ႈႁူမ်ႈလူႇႁူမ်ႈတၢၼ်းၸွမ်းၼႆယဝ်ႉ။