မၢၵ်ႇၶိူဝ်သူမ်ႈၼႆႉ ပၼ်ၽွၼ်းလီသင်လၢႆလၢႆ

 မၢၵ်ႇၶိူဝ်သူမ်ႈၼႆႉ ပဵၼ်ၸုမ်းမၢၵ်ႇမႆႉသေတႃႉ ပေႃးႁဵတ်းၽၵ်းၼႆ လႆႈသႂ်ႇပႃးတႃႇသေႇယူႇ ၽၵ်းဢၼ် ဢမ်ႇသႂ်ႇၼၼ်ႉ ၵမ်ႉပႃႈဢေႇၵူၺ်း။ မၢၵ်ႇၶိူဝ်သူမ်ႈၼႆႉ မီးၼမ်ႉၵတ်ႉ ႁဵတ်းႁႂ်ႈ ၽိဝ်ၼင်ႁၢင်ႈလီ ယူႇလီလႄႈ ၵူၼ်းၼွၵ်ႈမိူင်းၶဝ် ဢဝ်ႁဵတ်းၶွင်ဝၢၼ်တၢင်းၵိၼ် ဝၢႆးၶဝ်ႈ ဢမ်ႇၼၼ် ဢဝ်လေႃး ၸွမ်းမၢၵ်ႇမႆႉ ၵူႈမဵဝ်းမဵဝ်းသေ ၵိၼ်တၢင်ၶဝ်ႈၵေႃႈ မီးယဝ်ႉ။ မၢၵ်ႇၶိူဝ်သူမ်ႈၼႆႉ မၼ်းတေမီး သီလႅင်၊ လိူင်၊ ၶဵဝ် လႄႈသီသူမ်ႈမၢၵ်ႇၸွၵ်း ၸိူဝ်းၼႆႉယဝ်ႉ။

1. ၽွၼ်းလီၵိၼ်မၢၵ်ႇၶိူဝ်သူမ်ႈ ၼမ်ၼမ်ၼႆႉ တေၸွႆႈႁႂ်ႈၽိဝ်ၼင်ႁဝ်း ၸဵဝ်းမုၼ်း လႄႈႁိူဝ်ႈလီ ယူႇလီယူႇ။
2. မီးထၢတ်ႈဢၼ်ၸွႆႈထိင်း ႁႅင်းတဵၵ်းလိူတ်ႈလီ။
3. ၼင်ႇၼၼ်ယဝ်ႉ ႁေႉၵင်ႈပၼ် တၢင်းပဵၼ်တပ်းၶႅင်ဢမ်ႇၵႃး ၸွႆႈႁဵတ်းႁႂ်ႈ ၶၢၼ်ဢၼ်ၶေႃႇ ၼႂ်းထူင်လီၼၼ်ႉ ၸိူမ်ႈယူႇယဝ်ႉ။
4. မၢၵ်ႇၶိူဝ်သူမ်ႈၼႆႉ မၼ်းႁေႉၵင်ႈပၼ် ၸိူဝ်ႉမႅင်းတၢင်းပဵၼ်ဢမ်ႇၵႃး ထၢတ်ႈ Nicotinic acid ဢၼ်မီးၼႂ်းမၼ်းၼၼ်ႉၵေႃႈ ၸွႆႈယွမ်းပၼ်ထၢတ်ႈၶႆမၼ်း cholesterol ၼႂ်းတူဝ်ၵူၼ်း လႄႈႁေႉၵင်ႈပၼ်ပႃး တၢင်းပဵၼ်ႁူဝ်ၸႂ်ယူႇ။
5. ဝီႊတႃႊမိၼ်ႊ ၵေႇ (Vitamin K ) ဢၼ်မီးၼႂ်း မၢၵ်ႇၶိူဝ်သူမ်ႈၼၼ်ႉၵေႃႈ ၸွႆႈႁေႉၵင်ႈပၼ် တၢင်းပဵၼ် သလိူၵ်ႈၵူၼ်ႈမႅၼ်း (hemorrhage) ယူႇ။
6. ယွၼ်ႉဝႃႈၼႂ်း မၢၵ်ႇၶိူဝ်သူမ်ႈၼၼ်ႉ မီးထၢတ်ႈ lycopene ဢၼ်ၸၢင်ႈတိုၵ်းလႆႈ ၸိူဝ်ႉမႅင်းၶႅၼ်ႊသိူဝ်ႊ (cancer cells) ၼၼ်ႉ သင်ဝႃႈၶႂ်ႈႁေႉၵင်ႈ ဢမ်ႇၼၼ် မီးၽၢင်ႁၢင်ႈ တေပဵၼ် ၶႅၼ်ႊသိူဝ်ႊ ၼႆ ထုၵ်ႇလီၵိၼ်ပၼ် ၼမ်ၼမ်ယူႇ ၼႆၶႂ်ႈတိုၵ်းသူၼ်းၼင်ႇၼႆ။
ၶေႃႈမုၼ်း - ပိၼ်ႇတႅမ်ႈ Natural Food Benefits.com
Photos  -  from google

တႆးလွတ်ႈလႅဝ်း